nije evidentirano

Tomo Maretić en interkruciĝo de filologio kaj lingva politiko

En la unua parto de la libro estas koncize kaj kritike prezentita la filologia kaj lingvopolitika agado kaj verkaro de la kroata filologo Tomo Maretić (1854-1938) sur la fono de la historio de la normigo de la kroata lingvo fine de la 19a jarcento kaj dum la unuaj jardekoj de la 20a jarcento. En la dua parto, el la interlingvistika kaj lingvopolitika vidpunktoj, estas analizita lia nebone konata traktaĵo „Pensoj pri artefarita mondlingvo“ el 1892, kiu baziĝas sur lia prelego farita dum la kunveno de la zagreba Sudslava akademio de artoj kaj sciencoj la 10an de decembro 1891. Krom lingvofilozofiaj pensoj pri malperfekteco de tielnomataj naturlingvoj kaj sociolingvistikaj pensoj pri kontaktaj kaj sekretaj lingvoj, Maretić kritike kaj kompare pritaksas naŭ liatempte aktualaj planlingvaj projektoj, inventitaj por tuttera uzo kiel internaciaj lingvoj. En ĝisnunaj esploroj de la filologia kaj lingvopolitika agado kaj verkaro de Tomo Maretić oni ne konsideris tiun traktaĵon, ĉar ĝi je la unua rigardo ne pritraktas temon el lia ĉefa filologia kaj lingvopolitika kampo – konstruado kaj promociado de la „kroata aŭ serba literaturlingvo“. Aliflanke, la rezultoj de la analizo de la traktaĵo de Maretić indikas, ke liaj pensoj pri internacia lingvoplanado pere de inventitaj planlingvoj plejparte korespondas kun liaj lingvoplanadaj pensoj sur nacia kroata kaj intenacia regiona sudslava nivelo. Ĝuste tio faras ilin signifoplenaj ankaŭ por la pli vasta kompreno kaj diferenciga valorigo de lia rolo kiel lingvoplanisto de la kroata normlingvo.

Tomo Maretić ; interlingvistiko ; planlingvoj ; lingva politikona politika

Knjiga je prijevod na esperanto monografije na hrvatskom jeziku "Tomo Maretić na raskrižju filologije i jezične politike", Zagreb, 2015.