nije evidentirano

Деиктичките зборови и текстот во македонскиот и во хрватскиот јазик

Меѓу јазичните средства кои придонесуваат за кохезија и кохерентност на текстот се вбројуваат и деиктичките зборови (деикси). Употребени самостојно поврзуваат делови во текстот реферирајќи се на содржината која претходи или која следува. Тие се исто така вградени во многу текстуални конектори (на пример во македонскиот јазик: исто така, од таа причина, врз основа на тоа, на тој начин, во тој случај, во таа смисла, според тоа и слично ; во хрватскиот јазик: isto tako, iz tih razloga, k tomu, na osnovi toga, na taj način, nakon toga, u tom slučaju, u tome smislu, prema tome и слично). Во овој труд се анализираат деиктичките зборови (деикси) кои во македонскиот јазик и во хрватскиот јазик се појавуваат во улога на кохезивни средства во текстот: показните заменски зборови и – за македонскиот јазик – определениот член. Истражувањето се спроведува контрастивно врз корпус текстови од различни функционални стилови: научен, административен, новинарски и уметничко литературен. Добиените резултати ќе бидат корисни и за хрватските студенти кои го изучуваат македонскиот јазик како странски, а се однесуваат на употребата на деиксите при продукцијата на врзан текст (од ниво Б1 според CEFR, па натаму).

деикси, текст, контрастивна анализа, македонски јазик, хрватски јазик

nije evidentirano